Tha Comhairle nam Pàrant gu math gnìomhach is a’ toirt taic dhan sgoil ann an iomadh dòigh. Tha i a’ tabhann ceangal cudromach eadar pàrantan is an sgoil. Tha aon bhall bhon luchd-obrach air a’ Chomhairle agus grunn bhuill de phàrantan. Tha sinn a’ brosnachadh nam pàrantan uile pàirt gnìomhach a ghabhail ann a bhith a’ toirt taic dha obair Comhairle nam Pàrant is na sgoile.
Na tha sinn a’ dèanamh
Tha Comhairle nam Pàrant an-dràsta ag obair air lìbhrigeadh plana 3 bliadhna a tha ag amas air Sgoil Dhùn Bheagain a chuideachadh le eòlas air leth a lìbhrigeadh dha na h-uile a tha an sàs anns an sgoil agus sa choimhearsnachd leudaichte. Bidh sinn a’ coinneachadh an-dràsta gach mìos air feasgaran Dimàirt. ‘S e aon de na prìomhachasan a th’againn an-dràsta togalach ùr sgoile fhaighinn dhan roinn. Tha sinn a’ creidsinn gu mòr gur e an riatanas as lugha a th’ ann an seo gus ìre iomchaidh foghlaim a lìbhrigeadh dhar cuid chloinne ach cuiridh e gu mòr cuideachd ri fàs seasmhach ann an Iar Thuath an Eilein Sgitheanaich.
Buill Phàrant
Elgar Finlay (Neach-cathrach)
Leona Coull (Iar Neach-cathrach)
Mali MacCoinnich (Ionmhasair)
Lucy Salter (Rùnaire)
Amanda NicLeòid
Catriona NicMhathainn
Ball den luchd-obrach – Mòrag NicGriogair
Tha Comhairle nam Pàrant ag amas air na leanas:
- Obrachadh ann an com-pàirteachas leis an sgoil gus sgoil fhàilteachail a chruthachadh, a tha in-ghabhalach dha na pàrantan uile.
- Com-pàirteachas àrdachadh eadar an sgoil, a sgoilearan agus na pàrantan uile.
- Leasachadh is gnìomhachadh a dhèanamh ann an cur-seachadan a tha a’ cur taic ri foghlam is sochairean nan sgoilear.
- Beachdan phàrant a chomharrachadh is a riochdachadh mun fhoghlam a tha an sgoil a’ tabhann agus mu chùisean eile a tha a’ toirt buaidh air foghlam is sochair nan sgoilear.
- Maoineachadh a thogail, tabhartasan iarraidh is fhaighinn agus tiodhlacan, airson feum na sgoile, a ghabhail.
Liostaichte gu h-ìosal tha grunn sgrìobhainnean a tha a’ comharrachadh obair Comhairle nam Pàrant agus nam pròiseactan sa bheil iad an sàs aig an àm seo.